مالیگاؤں: معمولی تنازعہ کے سبب 19 سالہ نوجوان پر قاتلانہ حملہ

مہاراشٹر کے شہر مالیگاؤں قلعہ پولیس اسٹیشن کی حدود میں واقع چندنپوری گیٹ پرگزشتہ روز ایک دردناک واقعہ پیش آیا۔ گزشتہ رات 12 بجے کے درمیان چندنپوری گیٹ خانقاہ اشرفیہ مسجد کے پاس چار افراد نے مل کر متاثرہ لڑکا انصاری ضیاء الرحمٰن (19) پر معمولی تنازعہ کے سبب قاتلانہ حملہ کرکے شدید طور پر زخمی کردیا۔

پولیس کنٹرول روم سے ملی تفصیلات کے مطابق گزشتہ رات 12 بجے کے درمیان چندنپوری گیٹ خانقاہ اشرفیہ مسجد کے پاس چار افراد نے متاثرہ لڑکا انصاری ضیاء الرحمٰن (19) پر معمولی تنازعہ کے سبب قاتلانہ حملہ کرکے شدید طور پر زخمی کردیا۔

وہیں عینی شاہدین کے مطابق زخمی نوجوان کو شہر کے شفاء ہسپتال میں داخل کروایا گیا۔

اس تعلق سے متاثر کے والد لئیق احمد نے ای ٹی وی بھارت کو بتایا کہ راجو (ریتی والا) ظہیر، ٹارزن اور جنید عرف کالیا نامی شخص متاثر ضیاءالرحمٰن کو ہمیشہ پریشان کیا کرتے تھے۔

انہوں نے تنازعہ کی وجہ بتاتے ہوئے کہا کہ ضیاء الرحمٰن دیکھنے میں خوبصورت تھا۔ اسی بات کو لے کر ملزمین ہمیشہ تنازعہ کیا کرتے تھے اور پھر موقع دیکھ کر ضیاء الرحمٰن پر تیز دھار ہتھیار سے حملہ کردیا۔

لئیق احمد کے مطابق قلعہ پولیس نے اس معاملے میں دو افراد کو گرفتار کیا ہے۔

واضح رہے کہ اس معاملے میں ای ٹی وی بھارت نے قلعہ پولیس اسٹیشن کے انچارج سے تفصیلات اور دفعات حاصل کرنے کی کوشش کی لیکن انہوں نے انتطار کرنے کے لئے کہا ہے۔