دہلی فساد اور کورونا کے دوران کیجریوال کی حقیقت اجاگر ہو گئی: امتیاز جلیل

مہاراشٹر کے اورنگ آباد میں مجلس اتحادالمسلمین کے رکن پارلیمان سید امتیاز جلیل نے ایک پریس کانفرنس میں وزیر اعظم نریندر مودی اور دہلی کے وزیر اعلی کیجریوال کو ایک ہی سکے کے دو رخ بتایا۔

ایم پی امتیاز جلیل نے کہا کہ دہلی فسادات اور کورونا وبا نے کیجریوال کی اصلیت کو اجاگر کر دیا ہے۔

وزیراعظم نریندر مودی اور دہلی کے وزیر اعلیٰ اروند کیجریوال ایک سکے کے دو رخ ہیں۔ یہ سنسنی خیز الزام ایم آئی ایم رکن پارلیمان امتیاز جلیل نے عائد کیا، وہ ایک پریس کانفرنس سے خطاب کر رہے تھے۔

ان کا کہنا ہے کہ دہلی کے فسادات اور کورونا وبا کے دوران کیجریوال کا حقیقی چہرہ کھل کر عوام کے سامنے آگیا ہے اور عوام ان لیڈروں سے بخوبی واقف ہوچکے ہیں۔ اس لیے ہمیں دونوں میں کوئی فرق نظر نہیں آتا۔

واضح رہے کہ ایم آئی ایم نے دہلی اسمبلی چناؤ میں حصہ لینے کا اعلان کیا ہے۔