ممبئی پولیس کی شبیہ خراب کرنے والوں کے خلاف کارروائی

ممبئی پولس نے سوشل میڈیا کے ذریعہ لوگوں کے درمیان پولس کی شبیہ خراب کرنے والوں کے خلاف کارروائی شروع کی گئی ہے۔

پولس ڈپٹی کمشنر (سائبرسیل) رشمی کرندیکر نے بتایا کہ کچھ لوگ ٹویٹر، انسٹاگرام اور فیس بک جیسے سوشل میڈیا پلیٹ فارم پر ممبئی پولس کمشنر کو ٹرول کررہے ہیں۔ ان کے اور پولس فورس کے خلاف قابل اعتراض الفاظ کا استعمال کررہے ہیں۔

انہوں نے بتایا کہ ایسے لوگوں کے خلاف 67 آئی ٹی ایکٹ کے تحت ایف آئی آر درج کی گئی ہے۔

پولیس ڈپٹی کمشنر نے بتایا کہ ان میں سے زیادہ تر افراد کے سوشل میڈیا اکاؤنٹ فرضی ہیں اور ایسے سبھی لوگوں کے خلاف کارروائی کی جائے گی۔

حال ہی میں پولس کمشنر کے سرکاری ٹویٹر اکاؤنٹ کی شبیہ استعمال کرنے والے قصورواروں کے خلاف ایک اور ایف آئی آر درج کر کے ان معاملوں کی جانچ شروع کردی گئی ہے۔