ممبئی کے 53 صحافی کورونا سے متاثر، جاوڈیکر کا اظہار حیرت

ممبئی شہر میں کورونا وائرس سے زائداز 50 صحافیوں کے متاثر ہونے پر اطلاعات و نشریات کے مرکزی وزیر پرکاش جاوڈیکر نے نے حیرت کا اظہار کیا ہے۔

پرکاش جاوڈیکر نے ایک ٹوئٹ میں کہا کہ ’پچاس سے زائد صحافی خاص کر فوٹوگرافرز کورونا وائرس سے متاثر ہیں جو حیرت کی بات ہے، اس سلسلہ میں وزارت کی جانب سے بہت جلد ایک اڈوائزری جاری کی جائے گی۔ انہوں نے ٹوئٹ میں مزید کہا کہ صحافیوں کو لازمی طور پر اپنا خیال رکھنا چاہئے۔

ممبئی کے 53 صحافی کورونا سے متاثر، جاوڈیکر کا اظہار حیرت

ممبئی میں کورونا وائرس سے 53 صحافی متاثر ہوئے ہیں جبکہ بی ایم سی کی جانب سے کئےجانے والے ٹسٹ کے دوران اس بات کا انکشاف ہوا ہے۔ متاثرین میں میں ٹیلی ویژن سے تعلق رکھنے والے صحافیوں کی تعداد زیادہ ہے جبکہ کیمرہ مین کی اکثریت ہے۔

ایک عہدیدار نے بتایا کہ وجوہات کا جائزہ لینے پریہ بات سامنے آئی ہے کہ جو لوگ فیلڈ پر کام کر رہے ہیں وہ سب سےپہلے متاثر ہوئے ہیں اور انہوں نے اپنے ساتھ کام کر رہے دیگر صحافیوں کو بھی متاثر کیا۔

وہیں دوسری جانب ایک اطلاع کے مطابق ہر تیسرے صحافی کو کورونا وائرس مثبت پایا جارہا ہے جس کی وجہ سے الکٹرانک میڈیا میں تشویش پائی جاتی ہے۔