گٹکھا فروشوں کے خلاف کارروائی

مجلس اتحاد المسلمین کے نو منتخب رکن پارلیمنٹ امتیاز جلیل کی ہدایت پر اورنگ آباد شہر کی پولیس گٹکھا فروشوں کے خلاف بڑے پیمانے پر کارروائی کر رہی ہے۔

واضح رہے کہ ریاست مہاراشٹر میں گٹکھا پر پابندی ہونے کے بعد بھی ضلع اورنگ آباد کے متعدد علاقوں میں غیر قانونی طریقے سے گٹکھا مافیا اپنا دھندہ چلا رہے ہیں جس کے مد نظر اورنگ آباد شہر کی پولیس گزشتہ کئی دنوں سے گٹکھا مافیاؤں کے خلاف كارروائی کررہی ہے۔

گٹکھا فروختگی کے دو معاملے شہر میں پیش آئے

شہر کے سٹی چوک پولیس نے ایک گودام پر چھاپہ مار کر وہاں سے 12 لاکھ روپئے مالیت کا گٹکھا، پان مسالہ اور تمباکو سگریٹ ضبط کی ہے۔

دوسری کاررائی اورنگ آباد کرائم برانچ نے کی جہاں گٹکھا فروخت کرنے والے کو رنگے ہاتھوں گرفتار کیا اور اس کے پاس سے 35 ہزار روپے مالیت کا گٹکھا ضبط کیا ہے۔

ان دونوں کارروائی میں پولیس نے دیگر ضبط شدہ اشیأ ملا کر تقریبا ₹ 15 لاکھ کا گٹکا ضبط کیا ہے۔

ان دونوں معاملے میں پولیس نے 4 لوگوں کو اپنی حراست میں لیا ہے اور مزید تحقیقات جاری ہے کہ ریاست میں پابندی ہونے کے باوجود اتنی مقدار میں گٹکھا ضلع میں پہنچ کیسے رہا ہے۔