بیٹیوں کی حفاظت کے لیے بندوق لائسنس کی مانگ

مدھیہ پردیش کے ضلع ودیشا میں خواتین نے اپنی اور اپنی بیٹیوں کی حفاظت کے لئے ضلع انتظامیہ اورپولیس حکام سے بندوق کا لائسنس دینے کی مانگ کی۔

خواتین کا کہنا ہے کہ ریاست میں چھوٹے بچوں کے ساتھ مسلسل جنسی تشدد کے واقعات سامنے آرہے ہیں جس کے سبب ہم نے اپنی بیٹیوں کی حفاظت کے لیے یہ قدم اٹھایا ہے۔

خواتین کی اس مانگ پر ودیشا کلکٹر کوشلیندر وکرم سنگھ کا کہنا ہے کہ خواتین میں بیداری آرہی ہے۔

گزشتہ دنوں ریاست کی راجدھانی بھوپال سمیت اجین اور جبلپور میں معصوم بچیوں کی عصمت دری کے واقعات نے قانونی نظام پر سوالیہ نشان لگا دیا ہے۔