Bhopal Gas Tragedy: بھوپال گیس سانحہ کے متاثرین کو خراج

بھوپال گیس سانحہ Bhopal Gas Tragedy کے شکار دوسری اور تیسری نسل کے معذور بچوں نے گیس حادثہ میں مرنے والوں کو خراج عقیدت پیش کیا جبکہ آج وہ خود مناسب علاج اور معاوضے کا مطالبہ کررہے ہیں۔

بھوپال میں 1984 کو 2 اور 3 دسمبر کی درمیانی رات ہوئے گیس سانحہ Bhopal Gas Tragedy میں مرنے والوں کو چنگاری ٹرسٹ Chingari Trust کے معذور معصوم بچوں کی جانب سے خراج عقیدت پیش کیا گیا۔

مدھیہ پردیش کے دارالحکومت بھوپال میں 1984 کو 2 اور 3 دسمبر کی درمیانی رات گیس سانحہ Bhopal Gas Tragedy میں ہزاروں لوگ لقمہ اجل کا شکار ہوگئے تھے اور جو لوگ زندہ رہ گئے وہ آج بھی تکلیف و پریشانی کے ساتھ زندگی گزارنے پر مجبور ہیں۔

آج گیس متاثرین کی تنظیم چنگاری ٹرسٹ Chingari Trust کے معصوم بچوں نے گیس حادثہ میں مرنے والوں کو خراج عقیدت پیش کیا جو خود اس گیس حادثے کا شکار ہوئے اور دوسروں کے سہارے آج اپنی زندگی گزار رہے ہیں، گیس حادثے میں متاثر بچوں کی یہ دوسری اور تیسری نسل ہیں جو لگاتار حکومت سے انصاف کے لیے آواز بلند کر رہے ہیں۔

بھوپال گیس حادثہ کو 37 برس گذر چکے ہیں، اس کے باوجود آج بھی ان گیس متاثرین کو حکومتوں کی جانب سے کوئی معاوضہ نہیں دیا گیا ہے۔37 سال گزر جانے کے بعد بھی بھوپال گیس سانحہ کے متاثرین آج بھی حکومت کی جانب سے ان کے علاج اور معاوضہ کا اعلان کئے جانے کے انتظار میں ہیں۔

اس موقع پر گیس متاثرین نے کہا کہ جس طرح بھوپال میں حادثہ پیش آیا تھا جس سے ہزاروں لوگ ہلاک ہوگئے تھے اور آج بھی اس کے اثر سے بچے معذور پیدا ہورہے ہیں، ایسی زہریلی فیکٹریاں کہیں نہیں بنائی جانی چاہئے اور لوگوں کو محفوظ رکھنا چاہئے۔ مظاہرین نے حکومت سے معذور بچوں کی مناسب انداز میں مدد کرنے کا مطالبہ بھی کیا۔