کریٹو کرنسی کی آڑ میں جعلسازی کرنے والے گرفتار

مدھیہ پردیش میں بھوپال کی اسپیشل ٹاکس فورس (ایس ٹی ایف) نے ممنوعہ کرنسی کا کاروبار کرنے والوں کا پردہ فاش کرتے ہوئے ایک بین الاقومی گروہ سے وابستہ دو لوگوں کو گرفتار کیا ہے۔

ایس ٹی ایف کے مطابق اس گروہ کا سرغنہ مدھیہ پردیش کے جبلپور کے برجیش ریکوار اور اس کی بیوی سیما ریکوار ہیں۔
پولیس کے خصوصی ڈائریکٹر جنرل ایس ٹی ایف پرشوتم شرما نے بتایا کہ پورا معاملہ تقریباً 50 کروڑ روپے کی ٹھگی کا ہے جس میں تقریباً ایک ہزار لوگوں کے ساتھ جعلسازی کا واقعہ سامنے آیا ہے۔ اس معاملے کے تار ہانگ کانگ سے بھی جڑے ہوئے ہیں۔

اطلاعات کے مطابق یہ ریکٹ ایس سی ٹیکنیشئن اور معمولی ڈپلومہ یافتہ افراد چلا رہے تھے۔ بھوپال میں ٹھگی کا شکار ہونے کے بعد کئی لوگوں نے پولیس کے خصوصی ڈائرکٹر سے اس کی شکایت کی۔
پولیس کے ایڈیشنل ڈائریکٹر جنرل ایس ٹی ایف اشوک اوستھی کی ہدایت پر اس پوری کارروائی کو انجام دیا گیا۔

شکایت میں کہا گیا ہے کہ پی سی یو سی نامی کمپنی کی کرپٹو کرنسی کی خریدو فروخت دنیا میں بہت زیادہ ہے۔ برجیش ریکوار سمیت دو لوگ اس کاروبار میں بھارت میں پرموٹر ہیں۔ دونوں پر فرضی ایکسچینج کے الزامات ہیں۔