مقامی افراد کے مطابق باپ نے بیٹے کو دوستوں کے ساتھ گھومنے سے منع کیا تھا، جس پر بیٹے نے باپ پر چاقو سے حملہ کر دیا۔
فی الحال زخمی باپ کی حالت تشویشناک ہے اور ان کا علاج جاری ہے۔ اس کے ساتھ ہی پولیس نے تفتیش شروع کر دی ہے۔
یہ واقعہ ریوا شہر کے تھانہ سول لائن پولیس اسٹیشن کے تحت اے جی کالج کے قریب پیش آیا۔
جہاں بیٹے نے باپ پر چاقو سے حملہ کر دیا جس کے بعد علاقے میں ہنگامہ برپا ہوگیا۔
مقامی افراد کا کہنا ہے کہ ٹریفک پولیس نے متاثرہ شخص کو آٹو میں بٹھاکر ایف آئی آر لکھنے کے لئے تھانے میں بھیج دیا۔
زخمی شخص دیر تک تھانے میں تڑپتا رہا،
یہ بھی پڑھیے:بھوپال: کورونا اموات کی آخری رسومات ادا کر رہا ہے بی بی ایم گروپ
اس کے بعد میڈیا کے اہلکار وہاں پہنچے اور اسے سنجے گاندھی ہسپتال پہنچایا، جہاں اس کا علاج جاری ہے۔
اس معاملے پر سٹی ایس پی شیویندر سنگھ کا کہنا ہے کہ ملزم بیٹے کی شناخت کر لی گئی ہے اور جلد ہی گرفتاری عمل میں لائی جائے گی۔