چھتر پور: گاڑی کنویں میں گری، چھ افراد ہلاک

شادی کی تقریب میں شامل ہونے کے لیے آئے باراتیوں کی گاڑی ایک کنویں میں جاگری جس میں سوار چھ افراد ہلاک جبکہ تین افراد زخمی بتائے جارہے ہیں۔

مدھیہ پردیش کے ضلع چھتر پور کے مہاراج پور میں اترپردیش کے ضلع مہوبہ سے کئی لوگ یہاں بارات لے کر آئے تھے۔

باراتیوں کی ایک گاڑی رات میں اندھیرا ہونے کے سبب ایک کنویں میں جاگری جس میں سوار چھ لوگوں کی موت واقع ہوگئی جبکہ تین افراد کو بحفاظت باہر نکال لیا گیا۔

واقعے کی اطلاع ملتے ہی پولیس موقع پر پہنچی اور کرین کی مدد سے گاڑی کو کنویں سے باہر نکالا گیا جس کے بعد تمام لوگوں کو اسپتال روانہ کردیا گیا۔