شیوراج چوہان نے ٹویٹ میں کہا کہ مقبول عوامی رہنما ’ نندو بھیا‘ ہم سب کو چھوڑ کر چلے گئے۔ ہماری تمام کوششیں ناکام ہوگئیں ۔ نندو بھیا کی شکل میں بی جے پی نے ایک مثالی کارکن، بہترین منتظم، اور ایک وقف عوامی لیڈر کو کھو دیا ہے ۔ چوہان نے کہا کہ وہ نندو بھیا کے انتقال سے غمزدہ ہیں اور یہ ان کے لیے ذاتی نقصان ہے ۔
شیوراج چوہان نے کہا کہ بطور ریاستی صدر نند کمار سنگھ چوہان نے بہترین تعاؤن پیش کیا ہے۔ ان کا جسد خاکی آج ان کے آبائی گاؤں پہنچے گا ۔ کل ہم ان سب کو الوداع کر یں گے ۔
ریاستی بی جے پی کے میڈیا انچارج لوکیندر پاراشر نے ٹویٹ میں کہا ہے کہ وہ سیاست کی ایک عظیم شخصیت تھے ۔ وہ چھ بار کے رکن پارلیمان، تین بار میونسپل کے چیرمین اور دو بار رکن اسمبلی رہے۔ انہیں مسلسل دو بار بی جے پی کے ریاستی صدر کے عہدے پر فائز رہنے کا اعزاز حاصل ہوا ۔ انہوں نے نندو بھیا کے انتقال پر افسوس ظاہر کرتے ہوئے انہیں خراج عقیدت پیش کیا ۔
