'کانگریس نے مدھیہ پردیش کو تباہ کر دیا'

ریاست مدھیہ پردیش کے سابق وزیراعلیٰ اور بی جے پی رہنما شیوراج سنگھ چوہان نے کانگریس حکومت پر شدید نکتہ چینی کرتے ہوئے کہا کہ 'گذشتہ چار پانچ ماہ میں کانگریس نے مدھیہ پردیش کو برباد کردیا'۔

انہوں نے مزید کہا کہ بی جے پی کے دور حکومت میں ریاست کی ترقی کے لیے کئی اسکمیں عمل میں لائی گئی تھی جنہیں کانگریس نے غائب ہی کردیا'۔

شیوراج سنگھ کا کہنا تھا کہ انہیں اس بات کا بالکل افسوس نہیں ہے کہ ان کی حکومت نہیں بنی لیکن اگر وہ دوبارہ ریاست کے وزیراعلیٰ منتخب ہوتے تو دسویں اور بارہویں جماعت میں اعلیٰ نمبرات حاصل کرنے والے طلبہ میں اسکوٹیاں تقسیم کرتے لیکن کانگریس اسکوٹی کیا سائیکل بھی تقسیم نہیں کرے گی'۔

انہوں نے مزید کہا کہ کانگریس نے ریاست کے کسانوں اور نوجوانوں کو محض سنہرے خواب دکھائے لیکن پورے نہیں کیے'۔

شیوراج سنگھ نے وزیراعلیٰ کمل ناتھ پر تنقید کرتے ہوئے کہا کہ 'کمل ناتھ ریاست کے بچوں کو روزگار کے نام پر ڈھول بجانا سکھا رہے ہیں۔