بھوپال کے ہوٹل پلاش میں میونسپل کارپوریشن، ضلع انتظامیہ کے افسران کے ساتھ بڑی تعداد میں علمائے دین نے شرکت کی۔
اس سیمینار کا آغاز تلاوت کلام پاک سے کیا گیا، بعد ازاں بھوپال میونسپل کارپوریشن کے ڈپٹی کمشنر نے کارپوریشن کے ذریعے شہر میں چلائی جارہی صفائی مہم اور اس کے پروجیکٹ پر تفصیل سے روشنی ڈالی-
پروگرام میں علماء نے اسلام کی روشنی میں صفائی مہم کے نہ صرف وکالت کی بلکہ صفائی کو ایمان کا لازمی حصہ قرار دیا-
اس ورکشاپ میں جہاں شہر کی صفائی نظام کو بہتر بنانے کے لیے علماء سے تعاون کی اپیل کی گئی وہیں عید قربان کے موقع پر شہر میں صاف صفائی برقرار رکھنے اور قربانی کے وقت پانی اور جانوروں کے فضلہ کی صفائی کے لیے بہتر انتظام کیے جانے کا بھی وعدہ کیا گیا-