اندور: سینٹرل جیل کے قیدیوں کی کورنا رپورٹ مثبت

مدھیہ پردیش کے شہر اندور میں سینٹرل جیل کے چار قیدیوں کی کورونا رپورٹ مثبت آئی ہے جس سے جیل انتظامیہ زیادہ مستعد ہوگئی ہے۔

اندور میں کورونا وائرس کے مریض دن بدن بڑھتے جا رہے ہیں جس کی وجہ سے محکمہ صحت تشویش میں مبتلاء ہے اس دوران سینٹرل جیل کے چار قیدیوں کی کورونا وائرس رپورٹ مثبت آئی ہے۔

سینٹرل جیل کے کچھ قیدی علاج کے لیے ایم وائی ہسپتال آئے تھے جہاں ان کا کورونا ٹیسٹ کیا گیا تو سات میں سے چار قیدیوں کی رپورٹ مثبت آئی جس سے انتظامیہ میں افراتفری مچ گئی۔

اس ضمن میں سے سینٹرل جیل کے ڈپٹی سپریٹنڈنٹ لکشمن سنگھ بهدوريا نے بتایا کہ 'مجھے میڈیا کے ذریعے پتہ چلا کہ جن سات قیدی کا علاج چل رہا تھا ان میں سے چار قیدیوں کی کورونا رپورٹ مثبت آئی ہے، یہ سبھی 17 اپریل سے ایم وائی ہاسپٹل زیر علاج تھے تا ہم ابھی حتمی رپورٹ نہیں آئی ہے۔