مدھیہ پردیش کا سب سے پست قد ووٹر

ریاست مدھیہ پردیش میں گذشتہ روز یعنی 17 نومبر کو اسمبلی انتخابات کے لئے ووٹ ڈالے گئے ہیں۔ ریاست کے منڈالہ ضلع میں تقریبا 37 ہزار نئے ووٹرز نے ووٹ ڈالا ہے جس میں ایک سب سے چھوٹا یعنی 30 انچ کا نوجوان ووٹر بھی شامل ہے جس نے ووٹ ڈالا ہے۔ MP Shortest youth's height just 30 inches

منڈالہ: ریاست مدھیہ پردیش کے منڈالہ ضلع کے ایک علاقہ میں 18 سال کا ایک نوجوان موضوع بحث بنا ہوا ہے۔ پہلی مرتبہ ووٹ ڈالنے والے نوجوان کا قد صرف 30 انچ ہی ہے۔ اسمبلی حلقوں میں 945 پولنگ اسٹیشن بنائے گئے تھے۔ منڈالہ ضلع میں ووٹرز کی تعداد 7 لاکھ 93 ہزار 300 ہے... جس میں خواتین ووٹرز کی تعداد مردوں سے زیادہ ہے۔ 90 ایسے بوتھ بنائے گئے تھے جہاں ان بوتھوں کی ذمہ داری خواتین کے ہاتھوں سونپی گئی تھی۔

وہیں منڈالہ ضلع میں نئے ووٹر تقریباً 37 ہزار ہیں... کھنڈیورا گاؤں کے چھوٹے ووٹر کیلاش ٹھاکر نے پہلی بار ووٹ ڈالا ہے۔ کیونکہ وہ اسی سال 18 سال کی عمر کا ہوگیا ہے۔ اس کا قد صرف 30 انچ ہے۔ سب سے چھوٹے قد کے نوجوان نے نویں کلاس تک ہی تعلیم حاصل کی ہے۔ وہ پہلی بار ووٹ ڈالنے کے بعد بہت پرجوش دکھائی دے رہا تھا۔ گذشتہ روز وہ اپنی بہن کے ساتھ ووٹ ڈالنے کے لیے پولنگ بوتھ پہنچا تھا۔ جہاں اس نوجوان کو پہلی مرتبہ دیکھنے والے افراد حیران ہوکر رہ گئے تھے۔ اس نوجوان کے ووٹ ڈالنے کے بعد ہر کوئی شخص اس سے ملنا چاہتا تھا۔ ایک مقامی شخص نے بتایا کہ کیلاش کا قد شروع سے ہی ایسا ہی ہے۔

واضح رہے کہ مدھیہ پردیش میں گذشتہ روز یعنی 17 نومبر کو اسمبلی انتخابات کے لئے ووٹ ڈالے گئے ہیں۔ ریاست میں کانگریس اور بی جے پی دونوں نے ہی اقتدار حاصل کرنے انتخابی مہم میں اپنی طاقت جھونک دی ہے۔ وزیراعظم مودی سمیت بی جے پی کے رہنماوں نے انتخابی ریلیوں سے خطاب کیا۔