مدھیہ پردیش: سڑک حادثے میں ایک درجن افراد زخمی

شیوپوری کے علاقے کولارس تھانے کے قریب ایک خوفناک سڑک حادثہ پیش آیا، جس میں موٹرسائیکل سوار کو بچانے کے سبب بس پلٹ گئی اور اس حادثے میں تقریباً 12 سے زائد افراد زخمی ہوگئے، جنہیں اسپتال میں داخل کرایا گیا ہے۔

ریاست مدھیہ پردیش کے کولارس تھانہ علاقے کے گرودوارے کے قریب سڑک حادثے میں ایک درجن سے زائد مسافر زخمی ہوگئے، جنہیں پہلے کولارس صحت مرکز لے جایا گیا جہاں 3 افراد کو ابتدائی طبی امداد کے بعد شیوپوری ضلعی اسپتال روانہ کیا گیا۔

موصولہ اطلاعات کے مطابق بس ڈبرا سے شیوپوری کے راستے احمدآباد جا رہی تھی، تھانہ کولارس علاقے کے گردوارے کے قریب ایک موٹرسائیکل سوار کو بچانے کے چکر میں بس بے قابو ہو کر پلٹ گئی۔

جس کے بعد آس پاس کے لوگ شور شرابہ سن کر جائے وقوع پر پہنچے اور بس میں سوار مسافروں کو باہر نکالا۔

جس کے بعد کولارس پولیس جائے وقوع پہنچی اور زخمیوں کو علاج کے لیے اسپتال میں داخل کرایا۔

وہیں اس حادثے میں 3 مسافر شدید زخمی ہوئے جنہیں ڈسٹرکٹ اسپتال ریفر کیا گیا۔ ساتھ ہی پولیس معاملے کی تفتیش کر رہی ہے۔ بتایا جا رہا ہے کہ بس میں 30 افراد سوار تھے اور زخمیوں میں موٹر سائیکل سوار بھی شامل ہے جسے قریب کے ہی اسپتال میں داخل کرایا گیا ہے۔