'انڈا کھانا لازمی نہیں مگر ہر بچہ تندرست ہو'

مدھیہ پردیش کے صنعتی شہر اندور میں وزیر برائے اعلی تعلیم جیتو پٹواری نے پریس کانفرنس کو خطاب کرتے ہوئے ریاست کے یوم تاسس کی مبارکباد پیش کرتے ہوئے حکومت کی اقدام کو بتایا۔

ریاست کے یوم تاسیس کے موقع پر انہوں نے کہا کہ 'ہمارے لیے بڑی خوشی کی بات ہے کہ ریاست کامیابی کی طرف بڑھ رہا ہے۔ کمل ناتھ کی حکومت کو منتخب ہوئے گیارہ مہینے مکمل ہوئے ہیں۔

انہوں نے کہا کہ ' حکومت کے مقصد کو عوام کے سامنے ہم نے پیش کیا تھا اور عوام نے کمل ناتھ حکومت پر اعتماد کیا۔

جیتو پٹواری نے کہا کہ 'اتفاقا جس طرح سے کاشتکاروں کا نقصان ہوا حکومت اس کے لئے سنجیدہ ہے اور معقول وقت میں کاشتکاروں کے لیے فیصلے لیے گئے۔ ہم نے جو وعدہ کیا اسے پورا کیا ریاست میں 70 فیصدی کاشتکار کام کرتے ہیں کی ان کی حالات تب تک بہتر نہیں ہو سکتی جب تک ان کی آمدنی نہیں بڑھے گی۔

انہوں نے بتایا کہ 'حکومت کی سوچ ہے کہ عوام کو پالیسیوں کا سیدھا سیدھا فائدہ ملے اس کے لیے ایک پروگرام بنایا جا رہا۔

وزیر برائے اعلی تعلیم جیتو پٹواری نے کہا کہ 'ہمارا مقصد ہے ریاست میں ہر بچہ تندرست ہو اس کے لیے یہ لازمی نہیں کی ہر بچہ انڈا کھائے اگر اس کے والدین نہیں چاہتے تو کوئی بات نہیں اور اگر چاہتے ہیں تو کوئی غرض نہیں انڈا کھانے یا نہ کھانے کی کسی کو کوئی زور زبردستی نہیں کر رہا۔'

انہوں نے مزید کہا کہ 'جھابوا کے انتخاب کے نتیجے ان سبھی مخالفوں کے لیے معقول جواب ہے جو حکومت کی وجود پر سوال کھڑے کرتے تھے امید کرتا ہوں کہ ریاست کی بہتری کے لیے مخالف بھی مثبت کردار نبھائیں گے اس امید کے ساتھ ان سب کو بھی مبارکباد۔'