بچہ چوری کی جھوٹی خبر پھیلانے والانوجوان گرفتار

مدھیہ پردیش کے ضلع رائے سین میں بچہ چوری کی جھوٹی خبر پھیلانے والے ایک نوجوان کو پولیس نے گرفتار کیا ہے۔

ایڈیشنل پولیس سپرنٹنڈنٹ ابدیش پرتاپ سنگھ نے بتایا کہ کل انیکیت لوکونشی نامی ایک نوجوان نے بچہ چوری کی جھوٹی خبر پھیلا دی، جس کے بعد اسے گرفتار کر لیا گیا۔ دراصل انیکیت نے ایک کار سے لفٹ مانگی تھی، لیکن جب کار سوار نے اسے لفٹ نہیں دی، تو اس نے بچہ چوری کی جھوٹی افواہ پھیلا دی، جب گاڑی کو روکا گیا، تو اس میں سوار والدین اپنے بیمار بچے کو لے کر جا رہے تھے، جس کے بعد ساری حقیقت سامنے آ گئی۔
وہیں پولیس نے اس طرح کی افواہوں پر لوگوں سےتوجہ نہ دینے کی اپیل کی ہے۔ پولیس نے بتایا کہ اگر کوئی اس طرح کی جھوٹی خبریں پھیلاتا ہے اس کے خلاف سخت قانونی کارروائی کی جائے گی۔