بانڈی پورہ:جموں و کشیمر کے بانڈی پورہ کے تحصیل آلوسہ کے شئخ مقام بالا کے سینکڑوں باشندوں نے غیر معیاری اور ناخص موبوئل نیٹ ورک کے خلاف احتجاج کیا اور انتظامیہ سے معاملے میں مداخلت کرنے کا مطالبہ کیا۔ انہوں نے کہا کہ موجودہ ڈیجٹل دور میں جب انسان سیاروں پر قدم رکھ چکا ہے۔ اس دور میں بھی اس علاقے کے ہزاروں افراد کو بنیادی اور سب سے اہم ضرورت یعنی موبائل نیٹ ورک کی سہولیت سے محروم رکھا گیا۔
ان کا کہنا ہے کہ حیرت کی بات یہ ہے کہ شیخ مقام کے بلائی اور اس کے اطراف علاقوں میں موبائل نیٹ ورک سست رکھا گیا ہے۔اس علاقے کو پوری طرح سے نظرانداز رکھا گیا ہے۔ مقامی باشندوں کا کہنا ہے کہ اسے بدقسمتی کہے یا پھر نا اہلی، اس دور میں جب موبائل ہی ذرائع ابلاغ ، تعلیم, تفریح ،سرکار سے رابطے ،سرکاری اسکیموں سے جڑنے کا ایک واحد ذریعہ ہے ایسے حالات میں بھلا کیونکر ایک بڑی آبادی کو اس سے محروم رکھا جاسکتا ہے۔