انہوں نے وزیر اعظم نریندر مودی کو آڑے ہاتھوں لیتے ہوئے کہا کہ ملک پرگیاکو ان کے متنازع بیانات پر معاف نہیں کرے گا ۔
کمل ناتھ نے اپنے ٹوئٹ میں کہا کہ 'وزیر اعظم نریندر مودی بھوپال سے امیدوار کوبھلے ہی معاف کریں یا نہ کریں لیکن ملک کے عوام انہیں باپو کے قاتل ناتھو رام گوڈ سے اور شہید ہیمنت کرکرے پر دئے گئے بیان پر کبھی معاف نہیں کریں گے۔
ملک کی عوام سچائی جانتی ہے کہ وزیر اعظم نے ہی انہیں پارٹی کا امیدوار بنایا ہے' ہمت ہے تو انہیں پارٹی سے باہر کرنے کی جرأت دکھائیں۔
اس سے قبل کمل ناتھ نے بی جے پی پر حملہ کرتے ہوئے کہا تھا کہ پارٹی محترمہ ٹھاکر کے گوڈسے پر دئے بیان سے صرف الیکشن کے مدنظر خود کو کنارے کررہی ہے۔ اگر الیکشن نہیں ہوتا تو پوری بی جے پی اپنے امیدوار کے ان بیانات کے لیے ان کے ساتھ کھڑی ہوتی کیوں کہ یہی بی جے پی کی سوچ ہے۔
واضح رہے کہ پرگیا نے کل اپنے بیان میں ناتھو رام گوڈسے کو دیش بھکت بتایا تھا حالانکہ بعد میں انہوں نے اس کے لیے معافی مانگی لی تھی۔