اندور: 24 گھنٹوں کے دوران کورونا کے 326 نئے کیسز درج

مدھیہ پردیش کے صنعتی شہر اندور میں گزشتہ چوبیس گھنٹوں کے دوران کورونا کے 326 نئے کیسز درج کئے گئے جبکہ اس وبا سے 6 اموات بھی ہوئی ہیں۔

صوبے کا تجارتی دارالحکومت کہلانے والا شہر میں کورونا کا قہر جاری ہے اور یہاں یہ وبا تیزی سے پھیل رہی ہے۔ محکمہ صحت اور انتظامیہ وائرس کو پھیلنے سے روکنے کےلیے اقدامات میں مصروف ہے۔

اندور میں اب تک 16 ہزار سے زائد کورونا کیسز درج کئے گئے اور اس وبا سے اب تک 444 اموات ہوئی ہیں۔ اس بیماری سے اب تک 11 ہزار 91 افراد صحتیاب ہوچکے ہیں جبکہ فی الوقت 4555 مریضوں کا زیر علاج ہیں۔

محکمہ صحت کی جانب سے جاری کردہ بلٹین کے مطابق گذشتہ چوبیس گھنٹوں کے دوران 2 ہزار 762 ٹسٹ کئے گئے جن میں سے 2431 ٹسٹ منفی پائے گے اور 326 کی رپورٹ مثبت آئی ہے۔ اندور ضلع میں کل دو لاکھ چالیس ہزار 827 کورونا ٹسٹ کئے گئے۔ کوویڈ نوڈل آفیسر ڈاکٹر امیت ماںلکر نے بتایا کہ جب سے ان لاک شروع ہوا ہے تب سے سماجی فاصلہ کے اصول کو نظرانداز کیا جارہا ہے جس کی وجہ سے کیسز میں اضافہ دیکھا جارہا ہے۔ انہوں نے لوگوں سے وبا سے محفوظ رکھنے کےلیے احتیاطی تدابیر اختیار کرنے کا مشورہ دیا۔