اندور بھارتیہ جنتا پارٹی کے جنرل سکریٹری کیلاش وجے ورگیہ دسہرے پر نکلنے والے جلوس میں شریک ہوئے اور نامہ نگاروں سے بات کرتے ہوئے ہوئے بھارتیہ فضائیہ کو مبارک باد دیتے ہوئے کہا کی یقیناً ہماری فوجی طاقت کافی مضبوط ہے خصوصاً ایئر فورس کی جس نے پاکستان میں گھس کر انہیں دھول چٹائی۔
انہوں نے کہا کہ ہم نے شدت پسندوں کے کیمپوں کو تباہ کیا نیز وزیراعلی نے فوج کی حوصلہ افزائی کی ہے اور جس طرح سے ہماری فوج نے شدت پسندوں کو سبق سکھایا وہ قابل تعریف ہے لیکن کچھ لوگ جمہوریت کے نام پر ملک کی سالمیت کے لیے خطرناک ہیں۔
کیلاش وجے ورگیہ نے کہا کہ 'یہ بھی سچ ہے کہ ایسے لوگوں کو عوام وقت آنے پر سبق بھی سکھا دیتی ہے نیز ایسے لوگ رہتے تو بھارت میں ہیں لیکن 'ٹکڑے ہوں گے بھارت تیرے' اس طرح کا نعرہ بھی لگاتے ہیں جو ملک کے لیے خطرناک ہے۔