مدھیہ پردیش کے ضلع مرینا کی ایک عدالت نے ایک لڑکی کو گولی مارکر قتل کرنے کے الزام میں اس کے شوہر کو عمر قید کی سزا سنائی ہے۔
بیوی کے قاتل شوہر کو عمر قید - شوہر کو عمر قید
جائےوقوع پر ملے ثبوت اور پولیس تحقیقات کی بنیاد پر ایڈیشنل سیشن جج آر کے ورما نے قتل کے ملزم کو قصوروار ٹھہرایا۔
شوہر کو عمر قید
استغاثہ فریق کے مطابق نورآباد تھانہ علاقے کے گرام رنچولی کے رہنے والے رویندر گرجر نے 21نومبر 2017کو اپنی بیوی رمانی کو گولی مارکر قتل کردیاتھا۔ قتل کی رپورٹ خاتون کے باپ اتیبل سنگھ نے نور آباد تھانے میں درج کرائی تھی۔ پولیس قتل سے جڑے ثبوتوں اورگواہوں کے بیانات کی بنیاد پر قتل اور آرمس ایکٹ کے تحت معاملہ درج کرکے کیس ڈائری مرینا کے اڈیشنل سیشن جج کے سامنے پیش کی۔
جائےوقوع پر ملے ثبوتوں اور پولیس تحقیقات کی بنیاد پر اڈیشنل سیشن جج آر کے ورما نے قتل کے ملزم کو قصوروار ٹھہراتے ہوئے کل اسے عمر قید اور پانچ ہزار روپے جرمانے کی سزا سنائی۔
Last Updated : Oct 2, 2019, 5:28 AM IST