بھوپال: وارڈ نمبر میں الجھے سینکڑوں مسلمان

بھوپال میں تقریباً 300 مسلم گھر وارڈ نمبر 72 اور 73 کے بیچ الجھے ہیں۔ ان کے مطابق جب وہ وارڈ نمبر 72 کے کاؤنسلر سے ملنے جاتے ہیں تو ان کا کہنا ہوتا ہے کہ آپ 72 سے ہیں۔ اس علاقے کے لوگوں کا کہنا ہے کہ وارڈ نمبر کے چکر میں وہ بنیادی سہولیات سے محروم ہیں۔

مدھیہ پردیش کے دارالحکومت بھوپال کا بھانپور علاقہ جہاں سبھی مذاہب کے لوگ آباد ہیں۔ اس علاقے میں کم و بیش 300 مسلم خاندان بھیآباد ہیں، جو وارڈ نمبر 72 میں آتے ہیں لیکن یہاں رہنے والے چاہتے ہیں کہ ان کا نام وارڈ نمبر 73 میں جوڑا جائے۔

علاقے لوگوں کا کہنا ہے کہ وہ جب بھی اپنی پریشانیوں کو لے کر علاقے کے ذمہ دار سے ملنے جاتے ہیں تو انہیں صاف کہا جاتا ہے کہ آپ لوگوں کا نام اس حلقے میں نہیں آتا ہے۔

یہاں کے باشندوں کو یہ نہیں پتہ چل رہا ہے کہ وہ لوگ کس وارڈ میں آتے ہیں، 72 یا 73 میں۔

مقامی لوگوں نے کہا کہ وارڈ نمبر کی الجھن میں وہ بنیادی سہولیات سے محروم ہیں۔ نہ تو ان کے علاقے میں صاف صفائی ہوتی ہے اور نہ ہیمناسب طریقے سےبجلی، پانی ان لوگوں کو مل رہا ہے۔ یہی وجہ ہے کہ یہ لوگ اب سرکاری دفاتر کے چکر لگا رہے ہیں تاکہ ان لوگوں کو کسی طرح کی راحت مل سکے۔

مقامی شخص وسیم خان نے مطالبہ کیا کہ ہمیں وارڈ نمبر 72 سے 73 میں کیا جائے۔

انہوں نے بتایا کہ گزشتہ چار ماہ قبل ہم لوگ نالی و سڑک کی پریشانی کو لیکروارڈ کاؤنسلر تلسا ورما کے پاس گئے تھے تو انہوں نے کہا کہ یہ کالونی 73 میں نہیں 72 میں آتی ہے۔

ساتھ ہی خاتون آشا ورکر نے مقامی لوگوں کو بتایا کہ آپ کی بلدیہ کی رسیدیں 73 کی ہیں۔ ایسے میں ہم لوگ الجھ کر رہ گئے ہیں کہ ہم 73 میں ہیں یا 72 میں۔ مقامی لوگوں نے انتظامیہ سے اس معاملہ کو حل کرنے کا مطالبہ کیا ہے۔