اطلاع کے مطابق بجلی کا بل ادا نہ ہونے کی وجہ سے بجلی محکمہ نے گنسور بلاک کے بھیلائی سب ہلتھ سنٹر کی بجلی کنکشن بند کردیا۔بجلی گل ہونے کی وجہ سے مریضوں کو پریشانیوں کا سامنا کرنا پڑ رہا ہے۔ ریاستی حکومت کی خاموشی ناکامی کو دکھا رہی ہے۔
سب سے چونکانے والا معاملہ سامنے آیا ہے کی گنسور بلاک کے بھیلائی سب ہلتھ سنٹر میں ٹارچ کی روشنی میں ڈیلیوری کرائی گئی۔
حکومت کو آئنہ دکھاتی اسپتال کی بدحال تصویر اطلاع کے مطابق بھیلائی سب ہلتھ سنٹر کا بجلی کے بل کی ادائیگی اپریل 2018 سے اب تک نہیں کی گئی ہے۔ ادائیگی نہ ہونے کی وجہ سے محکمہ کی بجلی کا کنکشن کاٹ دیا گیا ہے۔ اور سب سے تعجب والی بات یہ ہے کہ محکمہ صحت نے دوبارہ کنکشن جڑوانے کی زحمت تک گوارا نہیں کیا۔اور اس کے بعد بھی لاپرواہی پر لاپرواہی برتی گئی۔
بتایا جا رہا ہے کل دیر رات خمدیہی گاوں کی ایک عورت ڈیلیوری کے لئے اسپتال پہنچی تو بجلی گل تھی ۔ عورت جس ٹارچ سے اسپتال پہنچی تھی اسی ٹارچ کی روشنی میں اس کا آپریشن کیا گیا۔ اس کے بعد بجلی نہ ہونے کی وجہ سے کچھ ہی گھنٹوں بعد انہیں گھر واپس بھیج دیا گیا۔ بہر حال غنیمت ہے کہ بچہ اور اس کی ماں محفوظ ہیں۔
لیکن اس حادثہ نے ایک بار پھر سرکاری اسپتالوں کی حقیقت سامنے لا کر رکھ دی ہے۔
