بھوپال: حبیب گنج اسٹیشن کا نام رانی کملا پتی کے نام پر رکھا جائے گا

ریاستی حکومت نے کل وزارت ریلوے کو ایک تجویز بھیجی ہے، جس میں اسٹیشن کا نام رانی کملا پتی ریلوے اسٹیشن رکھنے کی درخواست کی گئی ہے۔

پرائیویٹ پبلک پارٹنرشپ (پی پی پی) کے تحت دوبارہ تیار کیے گئے بھوپال کے جدید ترین حبیب گنج ریلوے اسٹیشن کا نام اب ’رانی کملا پتی‘ ریلوے اسٹیشن رکھا جائے گا۔

وزیر اعظم نریندر مودی اپنی بھوپال یاترا کے دوران 15 نومبر کو اس دوبارہ تیار کردہ اسٹیشن کا افتتاح کریں گے۔ اس حوالے سے تیاریاں آخری مراحل میں ہیں۔

دریں اثنا ریاستی حکومت نے کل وزارت ریلوے کو ایک تجویز بھیجی ہے، جس میں اسٹیشن کا نام رانی کملا پتی ریلوے اسٹیشن رکھنے کی درخواست کی گئی ہے۔

بتایا جارہا ہے کہ اس تجویز پر فوری کارروائی کرتے ہوئے وزارت ریلوے کے متعلقہ محکموں نے اس تجویز کو تقریباً منظوری دے دی ہے۔ اس کا باقاعدہ اعلان بھی جلد ہونے کا امکان ہے۔

یو این آئی