مدھیہ پردیش کے ضلع نیمچ میں گزشتہ روز انسانیت کو شرمسار کرنے والا واقعہ پیش آیا، جہاں کچھ لوگوں نے ایک آدیواسی نوجوان کے ساتھ پہلے مار پیٹ کی پھر گاڑی سے باندھ کر سڑک پر گھسیٹا، جس کا علاج کے دوران موت واقع ہوگئی۔
اس ضمن میں آج صحافیوں نے ریاست کے وزیر اعلیٰ شیوراج سنگھ چوہان سے بات کی، جس کے جواب میں انہوں نے کہا کہ مذکورہ نوجوان کی موت کے معاملے میں سرکار سخت کارروائی کرنے میں کوئی کسر نہیں چھوڑے گی، مجرم کوئی بھی ہو انتظامیہ اسے کچلے گی۔