Kamal Nath On Gas Cylinder کانگریس کی حکومت بننے پر رسوئی گیس سلنڈر 500 روپے میں ملے گا، کمل ناتھ

کمل ناتھ نے مدھیہ پردیش اسمبلی انتخابات کے پیش نظر جلسہ عام سے خطاب کیا۔ انہوں نے خطاب میں کہا کہ مدھیہ پردیش میں کانگریس کی حکومت بنتی ہے تو رسوئی گیس سلنڈر 500 روپے میں دیا جائے گا۔

نرسنگھ پور: کانگریس کے سینئر لیڈر اور مدھیہ پردیش کے سابق وزیر اعلی کمل ناتھ نے آج اعلان کیا کہ ریاست میں کانگریس کی حکومت بننے کے بعد 500 روپے میں گھریلو گیس سلنڈر فراہم کیا جائے گا۔ سابق وزیر کمل ناتھ نے یہاں جلسہ عام سے خطاب کرتے ہوئے یہ اعلان کیا۔ کمل ناتھ نے کہا کہ ریاست میں کانگریس کی حکومت بننے کے بعد 500 روپے میں گیس سلنڈر فراہم کیا جائے گا۔ اس کے ساتھ انہوں نے کہا کہ بھارتیہ جنتا پارٹی (بی جے پی) کی حکومت نے' لاڈلی بہنا یوجنا' کے نام پر ریاست کی خواتین کو ایک ہزار روپے دیے ہیں۔ انہوں نے کہا کہ اگر ریاست میں کانگریس کی حکومت بنی تو خواتین کو پندرہ سو روپے دیے جائیں گے۔

وہیں سابق وزیر اعلیٰ کمل ناتھ نے آج الزام لگایا کہ بھارتیہ جنتا پارٹی حکومت کی لاڈلی بہنا یوجنا ریاست کی خواتین کو لبھانے کی اسکیم ہے۔ کمل ناتھ نے یہ الزام یہاں ضلع ہیڈکوارٹر پر نامہ نگاروں سے بات چیت کرتے ہوئے لگایا ہے۔ کمل ناتھ نے کہا کہ ہمیں یقین ہے کہ ان کی حکومت ریاست کی خواتین ووٹروں کی طرف سے نہیں بننے والی ہے۔ انہوں نے کہا کہ وہ 6 انیویسمنٹ میٹ کرچکے ہیں، جس میں کروڑوں روپے کی سرمایہ کاری ہوگی، یہ سرمایہ کاری کہاں ہے؟ واضح رہے کہ رواں برس مدھیہ پردیش میں اسمبلی انتخابات منعقد ہونے والے ہیں۔ جس کو لیکر تمام سیاسی پارٹیا ووٹروں کو اپنی طرف راغب کرنے طرح طرح کے وعدے کر رہے ہیں۔ اب وقت ہی بتائے گا کہ مدھیہ پردیش میں کس کی حکومت بنے گی۔

یو این آئی