سوشل میڈیا کے ذریعہ عید الفطرکی مبارکباد کا دور جاری

مدھیہ پردیش کے صنعتی شہر اندور میں کورونا کے پیش نظر گذشتہ سال کی طرح اس بار بھی انتظامیہ نے اجتماعی تقریبات پر پابندی نافذ کی ہے۔ اس سے لوگ اپنے پیاروں کو عیدالفطر کی مبارکباد سوشل میڈیا کے ذریعہ بھیج رہے ہیں۔

مدھیہ پردیش کے صنعتی شہر اندور میں کورونا کے پیش نظر گذشتہ سال کی طرح اس بار بھی انتظامیہ نے اجتماعی تقریبات پر پابندی نافذ کی ہے۔ اس سے لوگ اپنے پیاروں کو عیدالفطر کی مبارکباد سوشل میڈیا کے ذریعے بھیج رہے ہیں۔

عیدالفطر کا تہوار عالمی سطح پر بڑی دھوم دھام سے منایا جاتا ہے جہاں لوگ ایک دوسرے کو گلے مل کر مبارکباد پیش کرتے ہیں۔ سوئیوں سے منہ میٹھا کرواتے ہیں مگر گذشتہ سال کی طرح اس سال بھی کورونا کی وجہ سے انتظامیہ نے اجتماعی تقریبات پر پابندی عائد کر رکھی ہیں۔ اس سے لوگ اپنے پیاروں کو گلے لگا کر مبارکباد پیش نہیں کر پا رہا ہے۔

لوگوں کا کہنا ہے کہ جب تک گلے لگا کر مبارکباد نہیں دیتے تب تک دل کو سکون نہیں ملتا مگر کورونا کے مدنظر جاری احکامات میں دو گز کی دوری بھی ضروری ہے۔ اس کی وجہ سے ہم اپنے پیاروں کو سوشل میڈیا کے ذریعے عید کی مبارکباد کا پیغام بھیج رہے ہیں۔

ٹیکنالوجی نے جذبات و خیالات کے اظہار کا کام آسان کر دیا ہے۔