عید میلادالنبیؐ پر صرف جلسے منعقد کیے جائیں گے

آل انڈیا مسلم تہوار کمیٹی کا کہنا ہے کہ اس بار عید میلاد النبی الگ انداز میں منائی جائے گی اور کورونا وبا سے نجات کے لیے دعا کی جائے گی۔

مدھیہ پردیش کے دارالحکومت بھوپال میں آل انڈیا مسلم تہوار کمیٹی کے زیر اہتمام آج ایک پریس کانفرنس کا اہتمام کیا گیا- اس دوران کمیٹی کے ممبران نے کہا کہ رواں برس عید میلاد النبی کے موقع پر پورے ملک کے مسلمان الگ انداز میں عید میلاد النبی کو منائیں گے-

انہوں نے کہا 'سبھی مکانوں و دکانوں پر چراغاں ہوگی- ہرا پرچم لہرائے جائیں گے اور سبھی مساجد, مدارس, درگاہوں, امام باڑوں, خانقاہ سلامی تعلیمی مرکز و زیارت گاہوں میں قرآن خوانی درود خوانی کی جائے گی۔ اس کے ساتھ ہی اجتماعی دعا کر کے بھارت سے کورونا وبا بدعنوانی, ذات پات, دہشت گردی کو جلد ختم کرنے کے لیے اللہ پاک سے فریاد کریں گے'۔

انہوں نے کہا کہ اس بار عید میلاد النبی کے موقع پر جلوس نہیں نکالے جائیں گے بلکہ جلوس کی جگہ جلسے منعقد کئے جائیں گے۔