الیکشن کمیشن کا سادھوی پرگیہ کو نوٹس

بھوپال پارلیمانی حلقے سے بی جے پی کی امیدوار سادھوی پرگیہ سنگھ کو اے ٹی ایس چیف آنجہانی ہیمنت کرکرے کے تعلق سے متنازع بیان دینے پر نوٹس جاری کیا گیا ہے۔

ضلع الیکشن افسر اور کلکٹر نے انتخابی ضابطہ اخلاق کے تحت سادھوی پرگیہ سنگھ کو ایک نوٹس جاری کیا ہے۔ ان سے ہیمنت کرکرے کے تعلق سے دیے گئے بیان پر وضاحت طلب کی گئی ہے۔

واضح رہے کہ بی جے پی کی طرف سے بھوپال پارلیمانی سیٹ سے سادھوی پرگیہ سنگھ ٹھاکر کو امیدوار بنائے جانے کے بعد انہوں نے کہا تھا کہ ' اے ٹی ایس چیف ہیمنت کرکرے کو ان کا شراپ لگا ہے'

الیکشن کمیشن کا سادھوی پرگیہ کو نوٹس

سادھوی کے اس بیان کی چو طرف مذمت کی گئی، حتیٰ کہ بی جے پی نے بھی سادھوی کے بیان سے کنارہ کشی اختیار کرتے ہوئے کہا کہ یہ ان کا ذاتی بیان ہے۔

بعد ازیں سادھوی پرگیہ سنگھ نے ہیمنت کرکرے کے تعلق سے جو متنازع بیان دیا تھا، وہ واپس لے لیا اور اس کے لیے معافی بھی طلب کی۔