سی اے اے کے خلاف مظاہرہ جاری رہے گا

ریاست مدھیہ پردیش کے صنعتی شہر اندور میں شہریت ترمیمی قانون، این آر سی اور این پی آر کے خلاف مسلسل احتجاجی مظاہرہ جاری ہے-

مرکزی حکومت کے ذریعے لائے گئے شہریت ترمیمی قانون، این آر سی اور این پی آر کے خلاف اندور میں شاہین باغ کی طرز پر ایک ہفتے سے احتجاجی مظاہرہ جاری ہے-

آج سپریم کورٹ کی سماعت کے بعد ان مظاہرین نے اپنا مظاہرہ جاری رکھتے ہوئے کہا ہے کہ ہم چار ہفتے تو کیا چار برس تک بھی حق میں فیصلے کے لیے انتظار کرتے رہیں گے-

ان کا مطالبہ تھا کہ مودی حکومت اس قانون کو فوری طور سے واپس لے، نہیں تو ہمارا مظاہرہ مسلسل جاری رہے گا-
سخت سردی ہونے کے باوجود بھی 24 گھنٹے مظاہرہ جاری ہے، جس میں سبھی مذاہب کے عوام شرکت کر رہے ہیں-