ریاست مدھیہ پردیش کے ضلع دھار کی منور میں بچہ چوری کی افواہ پر گاؤں کے لوگوں نے کچھ کسانوں پر حملہ کر دیا،جس میں ایک شخص کی موقع پر موت ہوگئی اور پانچ شدید زخمی ہوگئے۔
اس معاملے پر بی جے پی کے صوبائی صدر راکیش سنگھ نے سخت رد عمل کا اظہار کرتے ہوئے کہا کی صوبے میں لگاتار قانونی انتظامات بگڑتے جا رہے ہیں۔
مدھیہ پردیش میں بی جے پی کے صدر راکیش سنگھ جو حادثہ ہوا ہے اس پر حکومت ہاتھ پر ہاتھ دھرے بیٹھی ہے۔ وزیراعلی اور ان کے وزراء نے ابھی تک حادثے کی معلومات نہیں لی ہے۔
انہوں نے کہا کہ حکومت صوبے کو مذہب کے نام پر بانٹنے کا کام کر رہی ہے۔ سی اے اے کے خلاف مسلمانوں کو بھڑکایا جا رہا ہے۔ مشکل حالات پیدا کیے جا رہے ہیں۔
راکیش سنگھ نے وزیراعلی کمل ناتھ کے استعفی کے ساتھ ہجومی تشدد کے شکار ہوئے لوگوں کو معاوضہ دینے کا مطالبہ بھی کیا ہے۔
