بھوپال: سیکس ریکٹ کا انکشاف

بھوپال پولیس نے ایک بڑے سیکس ریکٹ کا پردہ فاش کیا ہے اور اس ضمن میں کولار علاقے سے نو لڑکیوں اور گیارہ مردوں کو جسم فروشی کے الزام میں گرفتار کیا ہے۔

ریاست مدھیہ پردیش کے دارالحکومت بھوپال میں ہنی ٹریپ معاملے ابھی سرد بھی نہیں ہوا تھا کہ پولیس نے ایک بڑے سیکس ریکٹ کا انکشاف کیا ہے۔

ہنی ٹریپ معاملہ نوکر شاہوں سے لے کر سیاست دانوں تک گرم تھا جبکہ اسی دوران دارالحکومت بھوپال میں پولیس نے تین گروہ کا انکشاف کیا ہے جو جسم فروشی کے ساتھ بلیک میلنگ کا کام کررہے تھے۔

بھوپال کولرر تھانہ علاقے سے کرائم برانچ کی گرفت میں آنے والے سیکس ریکٹ میں انکشاف ہوا کہ یہاں لوگوں کی پسند کی کال گرل کا فوٹو گراہکوں کو دکھایا جاتا تھا اور اس کے بعد گراہکوں کی پسند کے مطابق کال گرلز کو ممبئی، ناگپور اور بیتول سے بھوپال لایا جاتا تھا۔

پولیس اس معاملے میں گرفتار شدگان افراد کی کال ڈیٹیل نکال رہی ہے تا کہ اس غیر قانونی کاروبا میں ملوث مزید لوگوں کو بھی گرفتار کیا جا سکے اور یہ تار کہاں تک پھیلے ہوئے ہیں ان کا بھی انکشاف کیا جا سکے۔

واضح رہے کہ اس ریکاڈ میں پولیس نے نو لڑکیوں کے ساتھ 11 مردوں کو جسم فروشی کے غیر قانونی کاروبار میں ملوث ہونے کے سلسلے میں گرفتار کیا ہے اور ان سبھی سے پوچھ تاچھ جاری ہے۔