شہریت ترمیمی قانون کی مخالفت میں مدھیہ پردیش کے دارالحکومت بھوپال میں احتجاجی مظاہروں کا سلسلہ جاری ہے اور اب اس ضمن میں طلباء صف آرا ہو رہے ہیں۔
شہریت ترمیمی قانون کے خلاف احتجاج، ویڈیو شہر کے الگ الگ علاقوں میں مرکزی حکومت کے اس قانون کے خلاف احتجاجی مظاہرہ کیا جا رہا ہے اور احتجاج میں شامل لوگوں کا کہنا ہے اس متنازع قانون کو نافذ کر کے بھارتیہ جنتا پارٹی ملک میں نفرت پھیلانے کا کام کر رہی ہے۔
واضح رہے کہ پورے ملک کے سبھی مذاہب کے لوگ اس متنازع شہریت ترمیمی قانون کی مخالفت میں سڑکوں پر آگئے ہیں، وہیں مختلف تنظیموں کے ذریعہ 'ہم بھارت کے لوگ' کے بینر تلے شہر کے اقبال میدان میں سلسلہ وار ستیہ گرہ شروع کی گئی جس کے تحت کئی لوگ دھرنے پر بیٹھے۔
اس موقع پر کہا گیا کی دستور ہند سے چھیڑ چھاڑ برداشت نہیں کی جائے گی اور مرکزی حکومت سے مطالبہ کیا گیا ہے کہ آئین کے بنیادی اصولوں کے منافی قانون کو فوراً واپس لیا جائے۔
