بینک ہڑتال کی وجہ سے بینکنگ کام کاج متاثر

مدھیہ پردیش کے اقتصادی دارالحکومت اندور میں آج ایک روزہ بینک ہڑتال کی وجہ سے تجارتی، کاروباری اور صعنتی کام کاج کے ساتھ سا تھ عام لوگوں کا بینک سے متعلق کام بھی متاثر رہا۔

آل انڈیا بینک ایمپلائیز ایسوسی ایشن اور آل انڈیا بینک افسرز ایسوسی ایشن نے اس ملک گیر ہڑتال کی حمایت کی۔

اس کے نتیجہ میں اسٹیٹ بینک آف انڈیا کو چھوڑ کر دیگر گیارہ قومی بینکوں میں ہڑتال کا کافی اثر نظر آیا۔

ایسوسی ایشن کے عہدیداران کا دعوی ہے کہ آج کی ہڑتال کی وجہ سے 500کروڑ روپے سے زیادہ کے بینکنگ کام متاثر رہے۔

آل انڈیا بینک افسرز ایسوسی ایشن کے نائب صدر آلوک کھرے نے بتایا کہ ہمارا احتجاج مرکز ی حکومت کے ذریعہ پرائیویٹائزیشن، صنعتی گھرانوں اور صنعت کاروں کو بینکوں کے لائسنس دیئے جانے اور مزدورقوانین کو نرم کئے جانے اور دیگر معاملات پر ہے۔

انہوں نے کہا کہ ہماری مانگ ہے کہ پرائیویٹ بینکوں کو قومیایا جائے۔ ختم کئے گئے مزدور قوانین کوبر قرارر کھا جائے۔ کھرے کے مطابق آج ضلع میں بینکوں کی ہڑتال میں چار ہزار سے زیادہ بینک ملازمین اور حکام شامل رہے۔