بھنڈ میں انڈین ایئر فورس کا ایک طیارہ حادثہ کا شکار

بھنڈ کے ببیڑی گاؤں میں بھارتی فوج کا ایک طیارہ حادثے کا شکار ہوگیا ہے، بتایا جاتا ہے کہ یہ واقعہ ٹریننگ کے دوران ٹیکنیکل خرابی کی وجہ سے پیش آیا، پائلٹ نے اپنی جان پیراشوٹ کی مدد سے بچائی۔

ریاست مدھیہ پردیش کے ضلع بھنڈ کے بھیڑ گاؤں میں بھارتی فضائیہ کا فائٹر طیارہ حادثے کا شکار ہو گیا۔

اطلاعات کے مطابق یہ واقعہ ٹریننگ کے دوران ٹیکنیکل خرابی کی وجہ سے پیش آیا، پائلٹ نے اپنی جان پیراشوٹ کی مدد سے بچائی لیکن وہ شدید زخمی ہو گیا۔

اطلاع ملتے ہی ایئر فورس اور مقامی افسران موقع پر پہنچ گئے۔ جہاں پائلٹ طیارے سے کچھ فاصلے پر زخمی حالت میں ملا۔ وہیں طیارہ گرنے کی وجہ سے زمین میں بڑا گڑھا ہو گیا ہے۔ پولیس اور انتظامیہ کے اعلی افسران جائے حادثہ پر موجود ہیں۔

واضح رہے کہ دو سال قبل بھی اسی علاقے میں میگ 21 طیارہ حادثے کا شکار ہو گیا تھا۔