Arif Masood on House Demolition: 'بی جے پی رہنماؤں کے کہنے پر انتظامیہ نے شاہد کا گھر منہدم کردیا'

مدھیہ پردیش کے دارالحکومت بھوپال کے بہاری محلے میں آمنے سامنے رہنے والے پڑوسیوں کی لڑائی نے مذہبی رنگ لے لیا- اطلاعات کے مطابق دراصل آمنے سامنے رہنے والی عورتوں کی بچوں سے متعلق لڑائی ہوئی جس کے بعد ایک پڑوسی نے شاہد پر لڑکی کے ساتھ چھیڑ چھاڑ کا الزام لگایا- Arif Masood on House Demolition

مقامی رہنماؤں نے اس کی شکایت حکومت اور ضلع انتظامیہ سے کی اور انہیں گمراہ کیا جس کے بعد انتظامیہ نے شاہد کا گھر منہدم کر کے اس کے گھر والوں کو پریشان کیا۔ Arif Masood on Bhopal Administration اس معاملے پر کانگریس رکن اسمبلی عارف مسعود متاثر اہل خانہ کے ساتھ کھڑے ہوئے۔ عارف مسعود متاثر کے اہل خانہ کو لے کر پولیس کمشنر کے پاس پہنچے اور کہا کہ بھارتی جنتا پارٹی کے وزیر نے وزیراعلی شیوراج سنگھ چوہان کو اس معاملے میں گمراہ کیا ہے-

عارف مسعود نے کہا یہ سب صوبے کا ماحول خراب کرنے کی کوشش ہے کیونکہ یہاں جو بھی ہوا وہ ایک معمولی جھگڑا تھا اور اسے اس طرح پیش کیا گیا جیسے یہ بہت بڑا معاملہ ہو- انہوں نے کہا لوگ عدالت بہت خوب بن رہے ہیں اور خود فیصلے رہے ہیں جب کہ یہ فیصلہ عدالت کو کرنا چاہیے- انہوں نے کہا ہم نے سارے ثبوت پولیس کمشنر کے سامنے پیش کیے ہیں۔ شاہد بے قصور ہے اور اسے جھوٹے الزام میں پھنسایا جا رہا ہے- Arif Masood on House Demolition