اس کی وجہ یہ ہے کہ اس خاتون سے اپنا گھر بنانے کے لیے 10 ہزار کی رشوت مانگی گئی اور اسے جان سے مار دینے کی دھمکی دی گئی۔ فی الحال اسے ہسپتال میں داخل کرایا گیا ہے جہاں اس کی حالت مستحکم بتائی جا رہی ہے۔
رشوت مانگنے سے عاجز خاتون کی ناکام خودکشی بتایا جا رہا ہے کہ لیکھ پال خاتون سے گھر بنانے کے عوض میں 10 ہزار روپے کی رشوت مانگی تھی جس سے خاتون تنگ آکر خود کشی کرنے کی کوشش کی۔ اس کی اطلاع جب چترکوٹ کے ضلع مجسٹریٹ کو ملی تو انہوں نے جانچ کے بعد لیکھ پال کے خلاف کاروائی کرتے ہوئے اسے معطل کر دیا ہے، یہ معاملہ چترکوٹ کے تحصیل مئو کے برياری کلا گاؤں کا ہے۔
خاتون نے لیکھ پال پر الزام عائد کرتے ہوئے کہا کہ لیکھ پال کے ذریعے اس سے بار بار رشوت کا مطالبہ کیا جا رہا تھا اور رشوت نہیں دینے پر اسے جان سے مارنے کی دھمکی بھی دی جارہی تھی۔
متاثرہ خاتون نے لیکھ پال پر الزام عائد کرتے ہوئے بتایا کہ اسے گھر بنوانے کے لئے پردھان کے ذریعے زمین فراہم کی گئی تھی اور وہ پردھان منتری گرام آواس اسکیم کے تحت مہیا کرائی گئی رقم سے وہ اپنا گھر بنا رہی تھی۔
لیکن لیکھ پال نے گھر بنانے کے عوض میں اس سے 10 ہزار روپے رشوت دینے کا مطالبہ کیا جبکہ خاتون نے اسے رشوت دینے سے انکار کر دیا جس کے بعد لیکھ پال نے اس کے گھر کو منہدم کرانے اور اسے جان سے مار دینے کی دھمکی دی۔ جس سے تنگ آکر اس نے زہریلا مادہ کھا کر خود کشی کرنے کی کوشش کی۔
اس معاملے کی اطلاع ملتے ہی ضلع مجسٹریٹ شیش منی پانڈے نے فوری کاروائی کرتے ہوئے لیکھ پال کے معطلی کا حکم دیا۔
