وزیر اعظم کی تصویر کے ساتھ چھیڑ چھاڑ کرنے والے پر معاملہ درج
مدھیہ پردیش کے شہر اندور کے ہیرا نگر پولیس اسٹیشن نے وزیر اعظم کی تصویر سے چھیڑ چھاڑ کے بعد سوشل میڈیا پر پوسٹ کرنے والے ایک شخص کے خلاف معاملہ درج کرکے تلاش شروع کردی ہے
اندور: مدھیہ پردیش کے شہر اندور کے ہیرا نگر پولیس اسٹیشن نے وزیر اعظم کی تصویر سے چھیڑ چھاڑ کے بعد سوشل میڈیا پر پوسٹ کرنے والے ایک شخص کے خلاف معاملہ درج کرکے اس کی تلاش شروع کردی ہے۔
پولیس انسپکٹر ہیرا نگر کے مطابق، بھارتیہ جنتا پارٹی (بی جے پی) کے لیگل سیل کے عہدیدار بھوپندر سنگھ کشواہا نے ایک شکایت کی تھی۔ شکایت میں، ملند انگلے رہائشی لوکیش آواس وہار کے خلاف وزیر اعظم کی تصویر سے چھیڑ چھاڑ کرکے سوشل میڈیا پر شیئر کرنے کا الزام عائد کیا تھا۔ تفتیش میں شکایت کو درست پایے جانے کے بعد کل ملند کے خلاف معاملہ درج کیا گیا تھا۔
پولیس نے ملزم کے خلاف مقدمہ درج کرتے ہی ملزمین کی تلاش شروع کردی ہے ، لیکن آج دوپہر تک اس کا سراغ نہیں مل سکا۔