گجرات سے ٹرک میں چھپ کر آ رہے 25 مزدور گرفتار

ریاست مدھیہ پردیش کے صنعتی شہر اندور میں گجرات سے ٹرک میں چھپ کر آ رہے 25 مزدوروں کو گرفتار کر لیا گیا ہے۔

اندور میں کورونا مریضوں کی تعداد مسلسل بڑھ رہی ہے۔ کورونا وائرس کے بڑھتے انفیکشن کو روکنے کے لئے انتظامیہ اور صحت عملہ ہر ممکن کوشش کر رہا ہے تاکہ اس کے پھیلاؤ کو روکا جاسکے۔

لاک ڈاؤن کے دوران اندور سے لگی ہوئی سرحدوں کو انتظامیہ نے پوری طرح سیل کر دیا ہے۔ پولیس نے شہر کے سبھی سرحدوں پر ناکہ بندی کر رکھی ہے۔

گجرات سے چھپ کر آ رہے 25 مزدور کو پولیس نے گرفتار کر لیا ہے

اس کے باوجود کئی افراد لاک ڈاؤن کی خلاف ورزی کرتے ہوئے غیر قانونی طریقے سے ایک صوبے سے دوسرے صوبے میں پہنچ رہے ہے۔

پولیس کو اطلاع ملی تھی کی کچھ لوگ گجرات کے احمدآباد شہر سے ایک ٹرک میں چھپ کر اندورآ رہے ہیں۔

ڈی ایس پی اما کانت چودھری نے چیک پوسٹ پر جب اس ٹرک کی تلاشی لی تو اس میں پچیس مزدور چھپے ملے۔

فی الحال پولیس اس معاملے کی تفتیش کر رہی ہے۔