ضلع اجین میں کورونا کے 22 نئے کیسز

مدھیہ پردیش کے ضلع اجین میں کورونا کووڈ 19 کے 22 نئے معاملے سامنے آنے کے بعد متاثرین کی تعداد 1500 کو عبور کرچکی ہے، جبکہ ان میں سے 1245 مریض کورونا انفیکشن کو شکست دے کر گھر پہنچ گئے ہیں۔

چیف میڈیکل اور ہیلتھ افسر نے کل رات ہیلتھ بلیٹن جاری کرتے ہوئے کہ گذشتہ 24 گھنٹوں کے دوران موصولہ 1123 نمونوں میں سے 22 کورونا مثبت پائے گئے، ان میں سے 19 اجین اور دو ماہد پور اور ایک مریض ناگدا سے ہے۔

اس طرح ابھی تک ضلع میں 1520 مثبت کیسز پائے گئے۔ اس عالمی وبا سے اب تک ضلع میں 76 افراد ہلاک ہوچکے ہیں۔ اسی کے ساتھ ہی، اسپتال میں 214 مریض زیرعلاج ہیں۔ ضلع میں اب تک 61 ہزار 135 افراد کے نمونے لیے جا چکے ہیں۔