جنسی زیادتی کی شکار متاثرہ کی خود کشی

مدھیہ پردیش پولیس کے ذریعہ جنسی زیادتی کی شکایت درج کرنے سے انکار کرنے کے بعد جنسی زیادتی کی شکار 15 سالہ لڑکی نے خودکشی کرلی۔

متاثرہ لڑکی کے والد نے الزام لگایا ہے کہ اسشا پور گاؤں کے رہائشی بچو سکھرم بنڈیلہ نے اس کی بیٹی کو اغوا کیا اور اس کے ساتھ جنسی زیادتی کی۔

جنسی زیادتی متاثرہ نے خود کشی کر لی

اس واقعے کے بعد جب وہ اور اس کی بیٹی کاکڈا پولیس چوکی اور اس کے بعد مہیشور پولیس اسٹیشن گئے تو پولیس نے ان کی شکایت درج کرنے سے صاف انکار کردیا اور اس کی بجائے اس کی بیٹی کے کردار پر پوچھ گچھ کی۔
پولیس نے متاثرہ کے والد کی طرف سے لگائے گئے الزام کی تردید کرتے ہوئے کہا ’ ایک خاتون پولیس افسر اس کیس کے سلسلے میں تفتیش کے لئے گئی تھی۔ متاثرہ لڑکی کو پولیس اسٹیشن آنے کے لیے کہا گیا تھا۔ تاہم متاثرہ نے پولیس اسٹیشن آنے سے انکار کر دیا‘۔
انہوں نے مزید کہا کہ ’ہم نے مقدمہ درج کرلیا ہے اور ملزم بنڈیلہ کو گرفتار کرلیا گیا ہے‘۔
پولیس کا کہنا ہے کہ متاثرہ نے کیڑے مار نے والی دوا کھائی تھی جس کی وجہ سے اس کی موت ہوگئی۔