بھوپال: گنیش وسرجن کے دوران المناک حادثے کی مفصل رپورٹ

ریاست مدھیہ پردیش کے دارالحکومت بھوپال میں گنیش وسرجن کے دوران کھٹلا پورہ گھاٹ پر گیارہ سو کوارٹر کے رہنے والے 19 افراد کشتی پلٹ جانے سے حادثے کا شکار ہوگئے۔

حادثے کی اطلاع ملتے ہی ضلع انتظامیہ کی ٹیم جائے حادثہ پر پہنچی اور سات لوگوں کو بحفاظت نکال لیا جبکہ گیارہ لوگوں کے تالاب میں ڈوبنے سے موت ہوگئی۔

وزیر رابطۂ عامہ پی سی شرما اور رکن اسمبلی عارف مسعود نے جائے حادثے کا جائزہ لیا اور اس حادثے کی جانچ کرانے کی بات کہی جبکہ میونسپل کارپوریشن نے حادثے میں ہلاک ہونے والے افراد کے اہل خانہ کو دو دو لاکھ روپے معاوضے کے طور پر دینے کا اعلان کیا۔ اس کے علاوہ ضلع انتظامیہ نے چار چار لاکھ روپے اور ریڈ کراس نے بھی پچاس پچاس ہزار روپے دینے کا اعلان کیا ہے۔