مہابودی انٹرنیشنل میڈیٹیشن سینٹر (ایم آئی ایم سی) نے لداخ پولیس اور کووڈ-19 کے دوران کام کر رہے تمام فرنٹ لائن ورکرز کو ایک خصوصی تقریب کے دوران اعزاز سے نوازا۔
ڈائریکٹر مہابودھی انٹرنیشنل میڈیٹیشن سینٹر وان بھکو سنگھاسنا نے لداخ پولیس کی تشکیل کے لئے انسپکٹر جنرل آف پولیس لداخ ستیش کھنڈرے کو بھی اعزاز سے نوازا۔ لداخ پولیس کی تشکیل میں ان کی ذاتی شراکت کے سلسلے میں اور یو ٹی لداخ کے پہلے آئی جی پی کی حیثیت سے قوم کی خدمت کرنے کے لئے لائف ٹائم اچیومنٹ ایوارڈ سے نوازا گیا۔
یہ بھی پڑھیں:
لیہہ میں یو ٹی انتظامیہ کے خلاف احتجاج
کورونا وائرس کی مصیبت کے وقت میڈیکل، پولیس، سرکاری اور نجی میڈیا تنظیموں اور دیگر تنظیموں کو بھی اعزاز سے نوازا گیا۔
آئی جی پی لداخ ستیش کھنڈارے نے محکمہ میڈیکل کے خصوصی ذکر کے ساتھ لداخ پولیس اور کووڈ-19 کے دیگر فرنٹ لائن ورکرز کے اعزاز پر اظہار تشکر کیا۔
انہوں نے مہابودھی انٹرنیشنل میڈیٹیشن سینٹر کو رضاکارانہ طور پر مہابودھی ہسپتال کو وقف شدہ کووڈ ہسپتال میں تبدیل کرنے پر سراہا۔ انہوں نے معاشی طور پر غریبوں اور ای ایم کی پرورش اور ان کی دیکھ بھال میں ایم آئی ایم سی کے طویل سفر کو مزید سراہا۔
اس موقع پر ایم آئی ایم سی کے مختلف اقدامات کے بارے میں ایک مختصر رپورٹ پیش کی گئی، جس میں کووڈ سے متاثرہ مریضوں کو مہابودھی ہسپتال کی پیش کش، ہولی باڈی ٹری کے تحت بودھگیا میں خصوصی عالمی دعا، مختلف آن لائن پروگرام وغیرہ شامل ہیں۔
اسی طرح کچھ غیر مقامی افراد اور تنظیموں کو بھی صحت کی بحالی میں ان کی مختلف شراکت کے لئے آن لائن ایوارڈ دینے کا اعلان کیا گیا۔