لداخ میں کووڈ 19 کے مزید 54 نئے معاملات درج

کووڈ 19 سے مجموعی طور پر 74 افراد ہلاک ہوئے ہیں جبکہ لیہہ میں 36 اموات کی اطلاع ہے، باقی 38 اموات کرگل میں ہوئیں۔

لداخ میں کووڈ 19 کے نئے 54 معاملات ریکارڈ ہوئے ہیں جس کے بعد انفیکشن سے متاثرہ افراد کی کل تعداد 6،139 ہوگئی ہے۔

حکام کے مطابق اس وبا سے مزید 69 مریض صحتیاب ہوئے ہیں جس سے مرکزی علاقوں میں فعال کیسز 628 رہ گئے ہیں۔

کووڈ 19 سے مجموعی طور پر 74 افراد ہلاک ہوئے ہیں جبکہ لیہہ میں 36 اموات کی اطلاع ہے، باقی 38 اموات کرگل میں ہوئیں۔

عہدیداروں نے بتایا کہ نئے معاملات میں سے 44 لیہہ میں اور 10 کرگل میں رپورٹ ہوئے۔

ان کا کہنا تھا کہ کووڈ 19 کے 58 مریضوں کو لیہہ میں اور 11 دیگر افراد کو کرگل میں صحب یاب ہونے کے بعد فارغ کیا گیا ہے۔

حکام نے بتایا کہ اس کے ساتھ ہی صحت یاب ہونے والے مریضوں کی کل تعداد 5،438 ہوگئی ہے۔