لداخ: کووڈ 19 کے 92 نئے مثبت کیسز کی تصدیق

مرکزی علاقہ لداخ میں آج کورونا وائرس کے 92 نئے مثبت کیسز سامنے آئے ہیں اور اس طرح سے کورونا متاثرین کی مجموعی تعداد بڑھ کر 836 ہو گئی ہے۔

ڈائریکٹوریٹ آف ہیلتھ سروسز یوٹی لداخ کی جانب سے جاری کردہ میڈیا بلیٹن کے مطابق لداخ میں کورونا وائرس کے 92 نئے مثبت معاملے پائے گئے۔ ان میں سے 68 کا تعلق ضلع کرگل سے جبکہ 24 دیگر کا تعلق ضلع لیہہ سے ہے۔

بلیٹن میں مزید بتایا گیا ہے کہ لداخ میں 718 فعال کیسز موجود ہیں جن میں سے کرگل میں 572 اور لیہہ میں 146 شامل ہیں۔

لداخ میں 92 نئے مثبت کیسز کی تصدیق

واضح رہے کہ لداخ میں کورونا وائرس سے 836 افراد متاثر ہوئے ہیں جن میں سے 117 صحتیاب ہو چکے ہیں اور 718 دیگر زیر علاج ہیں جبکہ ایک کورونا وائرس سے متاثر مریض کی موت وقع ہوئی ہے۔