کپواڑہ: آتشزدگی میں مکان خاکستر

ضلع کپواڑہ کے وائسہ کنور علاقے میں آتشزدگی کے واقعہ کے دوران ایک رہائشی مکان خاکستر ہو گیا۔ تاہم اس میں کسی جانی نقصان کی کوئی اطلاع نہیں ہے۔

شمالی کشمیر کے کپواڑہ ضلع میں آتشزدگی کے دوران ایک رہائشی مکان خاکستر ہو گیا۔

آفیشلز کے مطابق ضلع کپواڑہ کے وائسہ کنور علاقے سے تعلق رکھنے والے مشتاق احمد ملک ولد محمد سکندر ملک کے گھر میں رسوئی گیس لیک ہونے کے سبب آگ لگ گئی۔

انہوں نے مزید کہا کہ فائر اینڈ ایمرجنسی عملہ اور مقامی رضاکاروں کی جانب سے آگ پر قابو پانے سے پہلے ہی آگ کے شعلوں نے رہائشی مکان کو اپنی زد میں لے لیا۔

اس واقعہ میں کسی جانی نقصان کی کوئی اطلاع نہیں ہے۔ تاہم عمارت کو شدید نقصان پہنچنے کے علاوہ مکان میں موجود بیشتر سامان خاکستر ہو گیا۔