ریڈکراس کی جانب سے خون کے عطیے کا کیمپ

انڈین ریڈکراس سوسائٹی کپوارہ اور ڈسٹرکٹ اسپتال ہندوارہ کی جانب سے ہندوارہ میں خون کا عطیہ کیمپ کا اہتمام کیا گیا جس میں تقریباً 40 نوجوانوں نے خون کا عطیہ پیش کیا۔

انڈین ریڈکراس سوسائٹی کپوارہ اور ڈسٹرکٹ اسپتال ہندوارہ کی جانب سے ہندوارہ میں خون کا عطیہ کیمپ کا اہتمام کیا گیا جس میں تقریباً 40 نوجوانوں نے خون کا عطیہ پیش کیا جن میں ریڈکراس سوسائٹی کپوارہ کے انسپکٹر اور پروگرام انچارچ سید امتیاز نے بھی اپنا خون عطیہ دے کر اب تک 54 ویں بار خون کا عطیہ پیش کیا۔

عطیہ کیمپ کا افتتاح انڈین ریڈ کراس سوسائٹی کے جنرل سکریٹری ریٹائرڈ آئی اے ایس افسر کفایت حسین ریزلی نے کیا۔ ان کے ہمراہ ریجنل سکریٹری ریڈکراس محمد یوسف زرگر اور میڈیکل سپرٹنڈنٹ ہندوارہ نثار احمد وانی بھی موجود تھے۔

اس موقع پر انہوں نے خون کا عطیہ دینے والے نوجوانوں سے بات کرتے ہوئے انہیں خون دینے اور اس کے فائدے اور نقصانات کے بارے میں جانکاری فراہم کی اور ان نوجوانوں کی حوصلہ افزائی کی۔

اس دوران کفایت حسین نے میڈیا کو بتایا کہ اس طرح کے کیمپوں کو منعقد کرنا وقت کی اہم ضرورت ہے جس سے اسپتالوں میں ان مریضوں کو فائدہ مل سکتا ہے جنہیں خون کی سخت ضرورت پڑتی ہے اور ان مریضوں کو خون کے حوالے سے اسپتالوں میں درپیش مشکلات کا سامنا نہیں کرنا پرتا ہے۔

انہوں نے بلڈ ڈونیشن کیمپوں کے حوالے سے کہا کہ آج کے دور میں فوج سے لے کر عام لوگ ان بلڈ ڈوینشن کیمپوں کا اہتمام کر رہے ہیں اور کسی اسپتال میں آج ان ضروت مند مریضوں کو خون کے حوالے سے زیادہ دقتوں کا سامنا نہیں کرنا پڑ رہا ہے۔

آخر میں ایم ایس ہندوارہ ڈاکٹر نثار احمد وانی نے تمام مہمان کا شکریہ ادا کیا اور خون کا عطیہ پیش کرنے والے نوجوانوں کی حوصلہ افزائی کی۔