تفصیلات کے مطابق کپوارہ پولیس نے مصدقہ اطلاع موصول ہونے پر فوج کے ساتھ مشترکہ کاروائی کے دوران کپوارہ کے متصل ناکہ لگایا جس دوران دو افراد کی گرفتاری عمل میں لائی گئی۔
پولیس کے مطابق گرفتار شدگان کے قبضے سے 13.5کے جی نارکوٹکس ضبط کیا گیا جس کی قیمت 65کروڑ بتایا جاتا ہے۔
پولیس بیان کے مطابق گرفتار کئے گئے افراد ملی ٹنٹسی میں ملوث ہے اور یہ بحثیت بالائی ورکر سرگرمیاں انجام دیتے تھے دونوں کے قبضے سے اسلحہ ضبط کرنے کا دعو ی بھی کیا گیا ہے۔
ادھر اس معاملے میں پولیس اسٹیشن کرالہ پورہ میں ایف آئی ار درج کرکے مزید تحقیقات شروع کی گئی ہے۔
گرفتار شدگان کی شناخت لچھی پورہ بجہامہ بارہمولہ کے رہنے والے منظور احمد لون ولد غلام محمد لون اور غلام محمد لون ولد عبدالرحم لون کے بطور ہوئی ہے۔
قابل ذکرہے کہ چند ہفتے قبل ہندوارہ پولیس نے ایک ایسی ہی ایک کاروائی کے دوران تین افراد کو دوسو کروڑ منشیات سمیت گرفتار کیا تھا اور بعد ازاں کیس کی مزید تحققیات کے لیے (این آئی اے) نے کیس اپنے ہاتھوں میں لیا۔
ادھر عام لوگوں نے پولیس کی کاروائی کو سراہاتے ہوئے مانگ کی کہ منشیات میں ملوث کسی بھی افراد کو بخشا نہیں جانا چاہئے اور تب ہی ممکن ہے کہ سماج سے منشیات کی وبا کو ختم کیا جاسکے۔
